BAZKIDE BERRIAK

IBAIAren Estatutuetako 3. artikuluan xedatutakoaren arabera, euren helbidea eta zerga-egoitza Euskal Herrian bertan dauzkaten pertsona fisiko eta juridiko guztiak izan ahalko dira elkarteko kideak, beti ere euren ohiko jarduna ikus-entzunezkoen ekoizpena bada, azken bost urteetan enpresa berak ekoitzitako ikus-entzunezkoen gaineko Jabetza Intelektualari buruzko indarreko Legean (apirilaren 12ko 1/1996 Legegintzako Errege Dekretua) eskubide aitortuak dituztela egiaztatzen badute eta, Europar Batasunak emandako azalpen honen arabera ekoizpen-etxe independenteak badira:

Ekoizpen-enpresen independentzia zehazteko orduan, zabalkundeko enpresa batekin edo gehiagorekin dituzten loturak hartuko dira kontuan, honako irizpide hauen arabera:

• Zabaltzaile baten edo batzuen partaidetza enpresako kapitalean.
• Enpresak zabaltzaile batekin edo batzuekin dituen merkataritza-loturak. Hain zuzen ere, ekoizpen-enpresak ez dira independentetzat hartuko, hiru urteko epealdian negozioen %90 baino gehiago zabalkunde-enpresa berarekin egiten badituzte.
• Enpresak ekoitzitako lanak ustiatzeko eskubideen jabetza.
• Zabaltzaileekiko independentzia sortzeko orduan (linea editoriala).

Kide berriak onartzeko orduan, ezinbestekoa izango da eskabide-orria bidaltzea, Zuzendaritza-batzordearen onespena lortzea eta zehaztutako onarpen-kuota ordaintzea.