Proiektuaren Inskripzioa

Zeinek hartu dezake parte

Dokumental-proiektu bat garapen fasean duen eta Europako koprodukzioa bat bilatzen edota jada daukan edozein ekoizle independentek izango du parte hartzeko aukera.

Proiektua gazteleraz/euskaraz eta ingelesez erregistratzea derrigorrezkoa da, eskatutako eremu bakoitza dagokion hizkuntzan betez. Bestela, proiektua automatikoki baztertua izango da.

Inskripzio inprimakia
Proiektuak inskribatzeko epea uztailaren 10an amaituko da.


  • Ekoizpen-etxeek nahi dituzten proiektuak aurkeztu ahal izango dituzte hautatzeko.
  • Teaserra aurkeztea ezinbestekoa izango da (3 minutu gehinez) proiektua inskribatzeko momentuan.
  • Adituen batzorde batek hautatuko ditu proiektuak; batzorde horren koordinazioaz IBAIA Ikus-entzunezkoen Euskal Ekoizle Burujabeen Elkartea arduratuko da.
  • Proiektuak hautatzeko eta pitchingean parte hartzeko azken erabakia behin betikoa izango da eta, besteak beste, honako irizpide hauetan oinarrituko da: proiektuaren unibertsaltasuna eta errekurtso transnazionala, ekoizlearen (k) CVa eta haien sormen taldeak, ziurtatutako finantzaketaren portzentajea, berretsitako zabaltzaile eta banatzaileen kopurua eta garrantzia, proiektuaren garrantzi ekonomikoa, koprodukzio aukerak, etab.
  • Ebazpena uztailaren amaieran jakinaraziko zaie parte-hartzaile guztiei.
  • Aukeratutako proiektuen parte hartzeko kuota 250 eurokoa da (+ BEZ) edo 150 eurokoa (+ BEZ) IBAIA elkarteko kide izanez gero. Ordainketa banku transferentzia bidez egingo da.

Kuotaren barnean honako hauek biltzen dira:

  1. Pitchingean proiektua aurkeztea eta Commissioning Editors-ekin banakako bilerak
  2. 2 eguneko prestakuntza-tailerrean parte hartzea.
  3. Donostiako Zinemaldiaren akreditazioa proiektuaren zuzendariarentzat eta ekoizlearentzat.
  4. Commissioning Editoreen artean proiektuaren hedapen pribilegiatua egitea.
  5. Hiru egunetako bazkaria (tailer-egunak eta pitching eguna).
  6. Foroaren programa osatuko duten gainerako jardueretarako sarbidea.
  7. Proiektuaren inguruko informazioaren argitalpena Lau Haizetara katagoan, eta baita Donostia Zinemaldiaren katalogo ofizialean zein industriaren gidan.

*Bidaiak eta joan-etorriak ez ditu biltzen.

XVI Donostiako Lau Haizetara Dokumentalen Koprodukzio Foroan parte hartzeak funtzionamendu-arau horiek onartzen direla esan nahi du. Foroak eskubidea izango du esanbidez jaso gabeko antolamendu-alderdien inguruko erabakiak hartzeko.

Deadlinea: uztailaren 10a