Donostiako Lau Haizetara Dokumentalen Koprodukzio Foroak iragarri du hemeretzigarren edizioaren proiektuak hautatu dituztela; 2023ko irailaren 25ean, 26an eta 27an egingo da foroa, Donostiako 71. Zinemaldiaren barruan.
Guztira aurkeztu diren 100 proiektuen artean hautatu dituzte, deialdiak berriz ere izan duen arrakastaren erakusgarri. Hautatutako proiektuen kalitatea eta potentziala nabarmendu nahi izan du batzordeak, proiektu horietatik bi Euskal Herrikoak direlarik eta gainerako hamahiruak Alemaniatik, Kanadatik, Poloniatik, Brasildik, Islandiatik, Lituaniatik, Italiatik, Frantziatik, Argentinatik eta Irandik datozelarik. Guztiak ere autore-dokumentalak dira, gizarte-gaiak jorratzen dituztenak eta nazioarteko agerikotasuna dutenak, horixe izan baita betiere gure foroaren ezaugarria:
| Proiektoa | Nazionalitatea | Produkzioa |
|---|---|---|
| ANIMAL | España – Francia | Kanaki Films SL |
| BLACK WATER | España | En Buen Sitio Producciones |
| CALLE DE LOS ANGELES | España – Portugal | Limbus Filmak – Silvia Rey – Anexo 82 |
| DECEMBER | Polonia – Lithuania | Telemark – Just a moment |
| IF I DIE | España – Brasil | Esther Vital |
| LA PIETÀ | España – Islandia – Lituania | SUICAfilms – AXfilms – Studio Nominum |
| LES CULPABLES | España | Boogaloo Films – Guspira Films |
| PRIMAVERA À MIRAFIORI | Italia – Alemania | Labins SC – con men Filmproduktion |
| PULSO | Brasil | Revoada Produçoes |
| QUE NO PREVALEZCA EL SILENCIO | Canadá | Films Camera Oscura |
| RAPA | España | Rapa a película AIE |
| SINGIN WINGS | España – Irán – Francia | Barnabe Productions – Eli Image – Les ouvriers de l’image |
| YO TERRATENIENTE | España – Argentina | Tourmalet Films – AH! Cine |
Gonbidatutako bi proiektuk osatzen dute edizio honetako hautaketa, foroak FIPADOC eta DOCBERCELONA zinemaldiekin dituen lankidetza-akordioen fruitu diren bi proiektuk:
| Proiektoa | Nazionalitatea | Produkzioa |
|---|---|---|
| PAST FUTURE CONTINUOUS | Noruega – Irán – Italia | Antipode Films – FiFi Film – ZaLab |
| HORI, LEARN TO LIVE AFTER DAESH | Francia | Galaxie Presse France-Chabaka Unlimited |
Pitching saioen egunean, Comissioning Editors-en eta aurkeztutako proiektuen ordezkarien arteko one to one hitzorduen agenda pertsonalizatu bat landuko du antolakuntzak, lankidetza-akordio posibleak zehazteko helburuarekin.
Titulu horiek guztiak 5.000 euroan balioetsitako IBAIA – ELKARGI Saria irabazteko hautagaiak izango dira. Pitching jardunaldian aurkeztutako proiektu onenarentzat izango da saria, eta adituen taldeko kideek osatuko dute sariaren epaimahaia.
