Kalitateak eta dibertsitateak markatu dute Lau Haizetara Dokumentalen Koprodukzio Foroaren XIII. edizioaren proiektu-hautaketa

Jasotako proiektuen kopuru handia eta haien dibertsitatea, aurten bere hamahirugarren edizioa betetzen duen foro honen indarraren adierazgarri dira. Batzordearen balorazioaren ondoren, 2017ko irailaren 26an, 27an, eta 28an hurrengo edizioan parte hartuko duten 12 proiektuak hautatu dira, betiere Donostiako 65. Zinemaldiaren barruan. (gehiago…)

XIII. Lau Haizetara Dokumentalen Koprodukzio Fororako deialdia zabalik dago

Dokumentalak gogoko badituzu, proiekturen bat garatze-fasean baduzu eta finantzaketa edo bazkideen bila bazabiltza, hau da hori ezagutzera emateko toki aproposa. Dokumentalen alorrean diharduten sektoreko profesionalentzako topagune bat. Foroa 2017ko irailaren 26tik 28ra bitarte egingo da, Donostiako Zinemaldiaren esparruan, eta hiru ataletan garatuko da, proiektuaren kalitatea, aurkezpena eta finantzaketa optimizatzeko helburuarekin: Pitching Tailerrak: hautatuak izan diren produktoreek, bi tutoreren laguntzarekin, pitchingaren aurreko bi egunetan buru-belarri lan egingo dute beren proiektuen aurkezpena hobetzeko. Pitching Jardunaldia: nazioarteko Commissioning Editoreen multzo azpimarragarri baten eta sektoreko hainbat profesional…

Dokumental proiektuak garatzeko Euskal Ikusentzunezko enpresentzat aholkularitza

Apirilaren 6 eta 7an Etxepare Institutuaren Tabakalerako egoitzan ospatuko diren jardunaldi hauetarako, gehienez 8 proiektu aukeratuko dira. Etxepare Euskal Institutuak eta IBAIAk sinatu duten lankidetza hitzarmenak, helburu gisa duena kalitatezko dokumental proiektuen garapena sustatzea eta hauentzako bazkide eta finantziazioa bilatzen laguntzea, 8 ekoiztetxeri aholkularitza jardunaldi honetan parte hartzeko aukera emango die. (gehiago…)

Lau Haizetara Dokumentalen Koprodukzio Foroak arrakastaz egin du bere hamabigarren edizioa

Atzo, 2016ko irailaren 22an, ostegunarekin, Donostiako Zinemaldiaren 64. edizioan egin zen Lau Haizetara Dokumentalen XII. Koprodukzio Foroak harrera ona izan zuen jendearen aldetik. 12 proiektu europar aurkeztu ziren, eta hainbat gai bildu zituzten, hala nola immigrazioa, sexua, gerra-istorioak, kultura edo bizitzan mugak gainditzea eta sakrifikatzea. Proiektu horietako bat, Giros-ek (Brasil) produzitutako “Probation” proiektua, FIPAtik dator, hots, Biarritzeko Ikus-entzunezko Programen Nazioarteko Festibaletik, eta IBAIAk eta Donostiako Zinemaldiak elkarte horrekin duten akordioaren fruitu da. 2007an hasi zen lankidetza hori, harreman-esparru berri hori sendotzeko oinarriak ezarri zituen lehen hitzarmenaren sinadurarekin.

Lau Haizetara Foroak bere 2016ko katalogoan egongo diren amaitutako proiektu berriak iragarri ditu

Lau Haizetara Dokumentalen Koprodukzio Foroaren aurreko edizioetan parte hartu zuten eta garapen- eta/edo produkzio-egoeran zeuden bost dokumental-proiektu europarrek aurten argia ikustea lortu dute. Foroa hasi zenetik, 25 proiektu baino gehiago izan dira foroan lortutako bultzadari esker amaitu ahal izan direnak eta ibilbide luzea izan dutenak. (gehiago…)

Lau Haizetara Dokumentalen Koprodukzio Foroaren hurrengo edizioan aurkeztuko diren 12 proiektuak hautatu dira

Irailaren 20tik 22ra bitarte, eta Donostiako Zinemaldiaren esparruan, Europako hamabi proiektu aurkeztuko dira Commissioning Editorsen panel baten aurrean, eta panel hori osatuko dutenen izenak ematen hasi dira. Askotariko gaiak jorratzen dituzte proiektuek, hala nola immigrazioa, sexua, gerra-istorioak, kultura, edo bizitzan hobetzeko grina eta sakrifikatu beharra. (gehiago…)

Proiektu dokumentalen aholkularitza, “Lau Haizetara” Koprodukzio Foroaren esparruan

IBAIA Ikus-entzunezkoen Euskal Ekoizle Burujabeen Elkartearen eta Europa Creativa Desk MEDIA Euskadiren arteko lankidetzaren ondorioz, 4 proiektu dokumental hautatuko dira Ove Rishoj Jensen aholkulari danimarkarraren eskutik beren proiektuen aholkularitza indibidualizatua lortzeko. Zinemaldiaren esparruan irailaren 20an, 21ean eta 22an Donostian egingo diren “Lau Haizetara” Koprodukzio Foroaren, prestakuntza-tailerren eta dokumentalen banaketa-estrategiei buruzko Mintegiaren zerbitzu osagarri gisa, hala nahi duten enpresek, Foroan parte hartu nahiz ez, proiektu dokumental bat garatzen ari badira, proiektua aurkeztu ahal izango dute hautatua izan dadin. Aholkularitza Ove Rishoj Jensen (European Documentary Network) profesional eta aholkulari ospetsuak emango du irailaren 23ko goizean, proiektu bakoitzari…

TREELINE DISTRIBUTIONek Lau Haizetara Dokumentalen Koprodukzio Foroaren aldeko apustua egin du berriro, hautatutako proiektuen artean banaketako eta festibaletako aholkularitzaren saria emanez

Lau Haizetara Dokumentalen Koprodukzio Foroak eta Treeline banaketa-etxeak aurten ere indartu dute beren lankidetza arrakastatsua. Aurtengoarekin laugarren aldiz emango dute banaketako eta festibaletako aholkularitzaren saria, proiektuaren inguruko bi aholkularitza-saiotan datzan saria, alegia. Lehen kontsulta-saioa dokumentalaren garapen-fasean egingo zaio irabazleari, eta bigarren saioa, berriz, dokumentala amaitu eta gero. (gehiago…)

Lau Haizetara Foroak hamabigarren edizioaren xehetasunak aurreratu ditu

IBAIAk eta Donostia Zinemaldiaren Industry Club ekimenak antolatutako Lau Haizetara Dokumentalen Koprodukzio Foroak, euskal instituzio eta erakunde ugariren lankidetzarekin, betiere ikus-entzunezko sektorearen garapena bultzatzea helburu dutela, Donostian Irailaren 20tik 22ra bitarte izango den bere hurrengo edizioaren xehetasunak aurreratu ditu. (gehiago…)

XII. Lau Haizetara Dokumentalen Koprodukzio Fororako deialdia zabalik dago

Dokumentalen generoa interesatzen bazaizu, esku artean proiekturen bat badaukazu eta finantzaketa eta/edo bazkideren baten bila bazabiltza, hona hemen aukera paregabea. Dokumentalen generoko profesionalentzako topagune saihestezina da, eta bere helburua ekoizle europarren arteko koprodukzio-harremanak sustatzea eta profesionalen artean lankidetza sendotzea da. (gehiago…)