Sariak

IBAIA – ELKARGI Saria

Donostiako Lau Haizetara Dokumentalen Koprodukzio Foroak, IBAIAk antolatuak, ELKARGIren laguntza jaso du eta akordio honi esker eta beste zenbait neurriren artean, Donostiako LAU HAIZETARA Dokumentalen Koprodukzio Foroak, 5.000 euroraino ere gehituko du proiektu onenarentzako bere saria.

Honen helburua, dokumentalen generoko kalitatezko proiektuen garapen-prozesuan beste aurrerapauso bat eman eta proiektu horiek abiarazten laguntzea da.

2022ko irailaren 21ean gauzatuko diren pitching saioetan parte hartuko duten proiektu guztiek eskuratu ahalko dute saria.

Commissioning Editors Panelak egingo ditu epai-lanak, eta Panelak berak aukeratuko du proiektu irabazlea, proiektuaren beraren aurkezpena, originaltasuna, tratamendua eta zabalkunde-indarra balioetsita.

Proiektuaren irabazlearen izena Foroaren amaiera-ekitaldian jakinaraziko da, Irailean 21ean, arratsaldeko 20:00etan.

Banaketa eta Jaialdietako Aholkularitzaren Saria

Donostiako Lau Haizetara Foroaren XVIII edizioak, Treeline Distribution sozietatearekin lankidetzan, banaketa eta jaialdietako aholkularitzaren saria emango du bederatzigarren aldiz. Proiektuaren 2 aholkularitza-saiotan datza sari hori.

Lehen kontsulta-saioa dokumentalaren garapen-fasean izango da, eta bigarren saioa, berriz, dokumentala amaitu eta gero.

Helburua jarraitu beharreko banaketa-estrategia hoberena eskaintzea da (banatzaile edo salmenta-agentearen hautaketa, telebista, internet, aretoak, eta abar), eta horrez gain, dokumentalaren edukiaren eta estiloaren arabera jaialdi egokienak zeintzuk diren bilduko duen gida bat proposatzea.

TREELINE DISTRIBUTION banatzaile espainiarra Luisa Romeok eta Elena Merak sortu zuten, produkzio eta banaketan –nazionalean eta nazioartekoan– ibilbide luzea duten bi profesionalek, hain zuzen ere. Luisa Romeok hainbat enpresatan egin du lan, hala nola Filmanova-n, Explora Films-en edo Transglobe Films-en, besteak beste, eta Elena Merak, berriz, Antena 3 TV-n, New Atlantis-en edota Plural Entertainment-en.

Mundu osoan eta bitarteko guztietan (Telebista, Theatrical-a, Home Video-a, plataforma digitalak, eta abar) jarduera duen salmenta-agente independente honek, kontu handiz aukeratzen ditu ordezkatuko dituen tituluak, sektorean urte ugari lanean eman eta gero lortutako esperientziaren ondorioz dituen hainbat nazioartekotze-irizpide erabakigarriri jarraiki.

IBAIA-BILIBIN Circular Saria

IBAIA – Bilibin Circular Saria Donostian irailaren 21ean egingo den LAU HAIZETARA Foroan aurkeztutako proiektuetako bati emango zaio, eta ingurumen-aholkularitzako kontsultoretza bat gauzatzea izango da, online egindako zenbait lan-saioren bidez, eta horrela proiektuari errazagoa gertatuko zaio administrazioek abian jartzen dituzten laguntzak lortzeko administrazio horiek ezartzen ari diren beharrezko eskakizunak betetzea.

Bilibin Circular ekonomia zirkularreko kontsultoretza-enpresa bat dugu, jasangarritasuna lortzeko enpresek daramaten eraldaketa-prozesuan inplikatua, eta ikus-entzuneko sektorearen esparruan “Basque Green Film” proiektuaren idazkaritza teknikoaz arduratzen ari dena, Eusko Jaurlaritzaren Kultura Sailak abiarazitako proiektu horretan, hain zuzen ere.

Donostiako Lau Haizetara Foroa – FIPADOC Miarritz Saria

IBAIAk (Ikus-entzunezkoen Euskal Ekoizle Burujabeen Elkartea) antolatutako Donostiako Lau Haizetara Foroak eta Miarritzeko FIPADOC jaialdiak beren harremana indartzen dute, bi ekitaldi horietan garatutako jardueren barruan ikus-entzunezko industria sustatzeko.

Akordio horri esker, Miarritzeko FIPADOC-en parte hartu duen proiektu bat,  gure hautaketa batzordeak aukeratua izango da eta Donostiako Lau Haizetara Foroan parte hartzeko aukera izango du. Era berean, Lau Haizetara foroan parte hartzen duen proiektuetako bat, Miarritzeko FIPADOC-en hurrengo edizioan egongo da (Urtarrila 2023).

Donostiako Lau Haizetara Foroa – DocsBarcelona Dokumentalen Jaialdia Saria

DocsBarcelonak eta Donostiako Lau Haizetara Foroak lankidetza-akordio bat sinatu dute, bi ekitaldien artean dokumentalen proiektuak elkartrukatzeko.

Aliantza honen helburua da dokumentalen generoan osagarriak eta espezializatuak diren bi merkatutan proiektuen presentzia sustatzea, eta era horretan euren garapen- eta finantzaketa-prozesua osatu ahal izan dezaten laguntzea.

Antolakuntza Erakundeen arteko ahaleginak, urtero Donostiako Lau Haizetara Foroan aurkeztutako proiektuetako bat eta DocsBarcelonako speed meetings-etan parte hartzen duen proiektuetako bat, bi merkatuetan egotea ahalbideratzen du. Proiektu hauek, dagozkien hautaketa-batzordeek erabakiko dituzte.